भरतपुर महानगरपालिका–२९ भतेरीमा बुधवार राति ९ बजे मोटरसाइकल आफै अनियन्त्रित भई पल्टिदा दुई जना घाइते भएका छन् ।
मुग्लिङबाट नारायणगढतर्फ आउँदै गरेको प्रदेश ३–०३–०२१ प २६२६ नम्बरको मोटरसाइकल आफै अनियन्त्रित भई पल्टिदा चालक भरतपुर–११ बस्ने वर्ष ४८ को कुईके गुरुङ र निजकी बहिनी ४० वर्षीय आइतु गुरुङ घाइते भएको जिल्ला प्रहरी कार्यालय चितवनले जानकारी दिएको छ ।
मोटरसाइकल चालक कुइके गुरुङको टाउको र शरिरमा चोट लागेको र अवस्था गम्भिर रहेको प्रहरीले बताएको छ । उनको चितवन मेडिकल कलेजमा उपचार भइरहेको छ ।
मोटरसाइकल पछाडी सवार निजको बहिनीको मुखमा चोट लागेको र अवस्था सामान्य रहेको छ । उनको भरतपुर अस्पतालमा उपचार भइरहेको छ ।
यस यातायात न्यूज अनलाईन पोर्टल र अनलाइन टिभी मार्फत कुनैपनि सामाग्री, समाचार, सूचना प्रकाशन र प्रसारण गर्न पर्ने भएमा सो सम्बन्धि गतिविधि हाम्रो इमेल [email protected] मा पठाउनुहुन हार्दिक अनुरोध गर्दछौ । साथै यहाँहरुको सल्लाह, सुझावको लागि पनि अपेक्षा गर्दछौ ।
