स्कुटर पारखीहरूका लागि आयो अहिलेसम्मकै पावरफुल इन्जिनमा यस्तो स्कुटर

स्कुटर राइडिङ्गको अनुभवलाई नयाँ परिभाषा दिने लक्ष्यसहित टीभीएस एनटर्ककोे नेपालका लागि आधिकारिक वितरक जगदम्बा मोटर्सले नयाँ एनटर्क रेस एक्सपी ब्ल्याक एडिसन सार्वजनिक गरेको छ । कम्पनीका अनुसार नयाँ स्कुटर पवारको मामलामा १२५ सीसी सेग्मेन्टमा सबैभन्दा अगाडि रहेको मोडल हो ।

नेपालकै पहिलो १० पीएसभन्दा माथिको पावर भएको १२५ सीसी स्कुटर एनटर्क रेस एक्सपी ब्ल्याकले पावरसँगै स्टाइल र आधुनिक प्रविधिको रोमाञ्चक संयोजन प्रस्तुत गरेको छ । स्कुटर पारखीहरूका लागि डिजाइन गरिएको यो स्कुटरले ड्यूल राइड मोड, भ्वाइस असिस्ट प्रविधि र रेस इन्स्पायर्ड डिजाइन सहितको विशेषतामा उपलब्ध भएको छ ।

एनटर्क रेस एक्सपी ब्ल्याक, सामान्यताको सिमा भन्दा पर जान चाहने राइडरहरूका लागि निर्माण गरिएको हो । यसमा स्ट्रीट मोड र रेस मोड गरी दुई राइडिङ मोड दिइएको छ । स्ट्रीट मोडमा यात्रुहरूले सहरको सहज र किफायती यात्रा अनुभव गर्न सक्छन् । त्यसैगरी, रेस मोडमा ० देखि ६० किलोमिटर प्रति घण्टाको गति मात्र ८.३ सेकेन्डमा भेट्टाउने छ ।

यस स्कुटरले नेपालमै पहिलो पटक भ्वाइस असिस्ट टेक्नोलोजी ल्याएको छ । यो प्रविधिका माध्यमबाट २० भन्दा बढी भ्वाइस कमान्डहरू मार्फत स्मार्ट कनेक्ट एपको सहज इन्टरेक्शन प्रदान गर्ने कम्पनीको दावी छ ।

‘केवल प्रदर्शन मात्र होइन, यो स्कुटर हेर्दै पनि मन लोभ्य लाग्दो छ । रेस इन्स्पायर्ड म्याट ब्ल्याक फिनिश, रातो पाङ्ग्रा र एयरोडायनामिक ग्राफिक्ससहित आएकाले यसले बजारमा राम्रो ब्यापार गर्छ’, जगदम्बा मोटर्सका कार्यकारी निर्देशक अखिल गुप्ताले भने ।

कम्पनीले यसको मूल्य ३ लाख २५ हजार ९०० रुपैयाँ तोकेर बिक्री वितरण सुरु गरेको छ ।