आन्तरिक पर्यटन प्रवर्द्वनको लागि फागु पूर्णिमाको अवसरमा चितवनदेखि मनाङसम्म मोटरसाइकल यात्रा गर्ने कार्यक्रम तय भएको छ । चितवनका अटोमोबाइल्स व्यवसायीहरुले ‘राइड टु हिमालयज’ भन्ने नारासहित उक्त यात्रा गर्न लागेका हुन् ।
मोटरसाइकल यात्राको व्यवस्थापन हिमालयन राइडर्सले गर्ने अटोमोबाइल्स व्यवसायी राजाराम सापकोटाले जानकारी दिए । ‘अटोमोबाइल्स व्यवसायीहरुको सामुहिक प्रयासमा आन्तरिक पर्यटन प्रवर्द्वन गर्न मोटरसाइकल यात्रा गर्न लागेका हौँ’, उनले भने ।
फागुन २८ गते बिहान ७ बजे नारायणगढको लायन्सचोक स्थित शुभ पेट्रोल पम्पबाट मोटरसाइकल यात्रा सुरु हुने उनले बताए । चैत २ गतेसम्म हुने मोटरसाइकल यात्राका क्रममा मनाङलगायत लमजुङको राइनाकोट, गोर्खाको लिगलिगकोट लगायत पर्यटकिय स्थलको अवलोकन गर्ने कार्यक्रम रहेको छ ।
यस यातायात न्यूज अनलाईन पोर्टल र अनलाइन टिभी मार्फत कुनैपनि सामाग्री, समाचार, सूचना प्रकाशन र प्रसारण गर्न पर्ने भएमा सो सम्बन्धि गतिविधि हाम्रो इमेल [email protected] मा पठाउनुहुन हार्दिक अनुरोध गर्दछौ । साथै यहाँहरुको सल्लाह, सुझावको लागि पनि अपेक्षा गर्दछौ ।
