पटक पटकको विवादबीच काठमाडौंको न्यूरोडमा फुटपाथ विस्तारको काम अन्तिम चरणमा पुगेको छ ।
विवाद अदालतबाटै टुंगिएपछि अहिले काठमाडौं महानगरपालिका-२४ मा फुटपाथ विस्तार कार्य अन्तिम चरणमा पुगेको हो ।
डिभिजन सडक कार्यालयले काठमाडौं महानगरपालिकालाई लेखेको पत्र कार्यान्वयन नगर्न उच्च अदालत पाटनले अन्तरिम आदेश दिएसँगै कामले गति लिएको हो ।
काठमाडौं महानगरपालिकाले न्यूरोडमा फुटपाथ विस्तारका लागि सडकको कालोपत्रे समेत भत्काइसकेको अवस्थामा विवाद भएको थियो ।
सडक डिभिजन कार्यालयले हस्तक्षेप गरेर सामान जफत गरेको थियो । विवादबीच काटेको कालोपत्रे पनि टालिएको थियो ।
सडक डिभिजन कार्यालय, वडा र स्थानीयबासिन्दाहरूसँग पटक पटकको विवादपछि अहिले फुटपाथ फराकिलो बन्दै गएको छ ।
यस यातायात न्यूज अनलाईन पोर्टल र अनलाइन टिभी मार्फत कुनैपनि सामाग्री, समाचार, सूचना प्रकाशन र प्रसारण गर्न पर्ने भएमा सो सम्बन्धि गतिविधि हाम्रो इमेल [email protected] मा पठाउनुहुन हार्दिक अनुरोध गर्दछौ । साथै यहाँहरुको सल्लाह, सुझावको लागि पनि अपेक्षा गर्दछौ ।
